الأحد، 11 يوليو 2010

عاشت الاسامى

وحشتونى
انا بحتفل يا جماعة بعيد ميلاد امى
الله يخليهالى يارب
وما يحرمنيش منها
ولا من دعواتها
حاولت اعبر عن اللى عاملته معايا 
من خلال بعض الكلمات
وانا عارفه مهما عملت 
لا يمكن اقدر اوفيها 
حقها


عاشت الاسامى
عاشت الاسامى يا حب غالى 
عاشت الاسامى يا حب الليالى
عاشت الاسامى كل الاسامى
واسمك عندى هو اللى باقى
يا أمى
عاشت الاسامى يا حب السنين
يا قلب كله شوق وحنين
وعيون تسهر ليوم الدين
تداوى جرحى وتشيل الهم من ع بالى
يا أمى
عاشت الاسامى يا حب العمر
عاشت وعاش لعنيكى الصبر
تسهر بالليل وتدعى الفجر
بالخير قلبك كان بيدعى وناوى
يا أمى
عاشت الاسامى ياحب حياتى
يا غرامى وهيامى اللى كان والاتى
وبدموع عنيكى تفدينى ليلاتى
واتمنى يجى يوم وتطلبى ولو تخدى.......
عينى.... يا أمى

هناك 23 تعليقًا:

  1. كل سنه و مامتك طيبه ياجنى .. ربنا يخليهالك وميحرمكوش من بعض ابداً ..

    وقوليلها عالكلمتين اللي كتبتيهم ليها .. سدقيني اكيد هتفرح بيهم جدااااااا ..

    وكل سنه وهيا طيبه ياارب .. :)

    ردحذف
  2. كل سنة وهي بالف صحة وبخير...
    ربنا يخليهالك...

    ردحذف
  3. كل سنه ومامتك طيبه
    وعقبال 1000 عام

    ردحذف
  4. كل سنة وهيا وانتي طيبين
    وعبال 100 سنة وتكون في طاعة الله
    قادر ياكريم
    ويجعل النبي يسقينا باذن الله شربه لانظمأ بعدها أبداً
    كل سنة وهيا طيبة

    ردحذف
  5. كل سنه وهى طيبة
    عيد سعيد عليها يارب
    شكراً لك على الاغنية الرااائعة

    تحياتى لك

    ردحذف
  6. كل سنه واحضرتك طيبه يا ماما

    كل سنه وماما طيبه ياجنه

    وربنا يخليهالك يارب

    مهما نقول ونعبر مش هنقدر نوفى حقهم علينا ولو جزء صغنن ليهم

    بوست جميل

    تسلم ايدك

    دمتى فى حفظ الرحمن

    ردحذف
  7. السلام عليكم حبيبتى
    بصراحه كلماتك رقيقه وجميله وبتلمس القلب بسهوله

    ربنا يخلى مامتك ويحفظها يارب
    ويباركلك فيها ويشفيها ويشفى مرضى المسلمين
    امين يارب العالمين
    كل سنه وحضرتك طيبه ياطنط
    عيد ميلاد سعيد وعمر مديد

    توتا

    ردحذف
  8. كل سنة وهى بالصحة والسلامة يارب هى وكل الامهات

    ردحذف
  9. كل سنه وهى بالف صحه وسعاده وسلامه يارب
    انا زعلان منك علشان
    بطلتى
    تشرفينى زى الاول
    انتى زعلانه منى فى حاجه؟

    ردحذف
  10. كل سنة وهى طيبة وربنا يخليكم لبعض

    ردحذف
  11. كل عام وهي إلى الله اقرب ولطاعته أدوم

    ربي يخلي أمهاتنا ويخلينا ليهم يارب

    ردحذف
  12. ربنا يخليهالك يا رب

    ردحذف
  13. كل سنة وهى طيبة
    وربنا يخليهالك

    ردحذف
  14. ياباشا يباشا على الشعر الجامد

    ياريتنى كنت ماما

    ههههههههههههه

    انا بهرج

    كل سنه وهى طيبه ، وبخير . وعقبال ما تدور الايام وتحبك جنى كده برده ، وتخلصلك وتبرك.

    قولى امين

    ردحذف
  15. كل سنه وهى بخير
    تسلم ايدك على الشعر الجميل ده
    ربنا يخليهالك يارب
    ويديها الصحه وطول العمر
    تحياتى وحبى

    ردحذف
  16. ربنا يطول في عمرها ويحفظها لكِ
    ويجعلكِ قرة عينها وكل عام وهي بصحة وعافية وسلامة
    وما شاء الله عليكِ أختي شعر يحمل في طياته صدق المشاعر والحب الكبير للأم الغالية
    ربنا يحفظكم لبعض...

    ردحذف
  17. كل سنه وهي بخير وسعاده وفرح وحب
    وربنا يخليهالك
    بجد الام اجمل ما في الحياه
    هي مصدر الحنان والطاقه والراحه والحب
    ولو عملنلها المستحيل هيبقي قليل جدا عليها
    لان حقها كبيييييييييييييييييييير جدا

    دمتي بكل خير يا حبيبتي

    ردحذف
  18. ست الحبايب يا حبيبة
    يا اغلى من روحي ودمي يا حنين وكل الطيبه
    يا ربي يخليكي يا امي


    الف مبرووووك وكل عام ومامتك بخير
    وتبقى بكل صحه وعافيه

    ردحذف
  19. ما شاء الله كل سنة وأنتم بخير يارب وسعادة آمين

    وسلمت النامل على الكلمات إللي من القلب دي .. بارك الله فيك وجعلك رضية مرضية دنيا وآخرة يارب آمين

    ردحذف
  20. كل عام وانتِ وهى الى الله أقرب

    ردحذف
  21. السلام عليكم
    كل سنة ووالدتك بخير
    ربنا يخليهاليكى ويخليكى ليها
    كلماتك جميلة جدا
    تحياتى

    ردحذف
  22. سلامو عليكو
    يا جماعة انا عندى مشكلة فى الكمبيوتر بتاعى
    ان الصورة صغيرة اوى
    حد ممكن يساعدنى

    لكم خالص تحياتى

    ردحذف
  23. السلام عليكمو

    كيفك يا قمر اولا بعتذر عن التاخير

    ثانيا كل سنة ومامتك طيب وعقبال كل سنة يارب

    وربنا يخلهالك ودائما تدعيلك بكل خير

    دمتي طيبة يارب

    ردحذف