الثلاثاء، 18 مايو 2010

ايه هو المنطق؟

لما شاب عشان يكون نفسه يقعد سنين قبل ما يلبس دبله..
هو ده المنطق؟
لما بنت تكون جميلة ومتعلمة ومن عيلة ومتلقيش فستان ولا طرحة
هو ده المنطق؟
لما راجل عشان يأكل عيلته يجيب عيش مالفرن ويموت مالقهره
هو ده المنطق؟.
لما ست عيشة على عيالها وبتبيع كل ماعندها عشان تعيش لفترة
هوده المنطق؟
لما طفل يروح مدرسته يتعلم ولا يخنق نفسه فى فصل فيه 50 طفلة
هو ده المنطق؟
لما شاب يقضى عمره فى التعليم ويتخرج ميلقيش غير القهوة
هو ده المنطق؟
لما 10 من احسن شبابنا عبقرة ويحاولو ينتحرو من فوق القمة
هو ده المنطق؟
لما سايح يجى البلاد دى يتفرج ويزور اثارها ويشوف زبالة فى كل ناصية
هو ده المنطق؟

لما بنت عشان توصل بيتها تركب 30 مواصلة وتتعرض لمعاكسة وغيرها
هو ده المنطق؟
لما ست عايزة تأكل اسرتها عشان تروح السوق عايزة قرض ولا سلفة
هو ده المنطق؟
لما راجل مريض وفقير عيز يتعالج فى التأمين ويروح يودع اهله قبلا


هو ده المنطق؟
ولما اروح اصوت واختار النائب المناسب ليا والاقى واحد ولا اعرفو بالمرة
هو ده المنطق؟
ولماااروح له فى مظلمة الاقيه مسافر امريكا ولا سويسرا
هو ده المنطق؟
ولما فلسطين تكون عربية ويحتلها ده وده وده وده وده وده
هو ده المنطق؟
ولما العرب يكونو تيهين عن الحقيقة ومطنشين ولا فى غفلة
هو ده المنطق؟
حد عرف ايه هو المنطق ؟؟؟؟؟؟؟؟؟

هناك 52 تعليقًا:

  1. السلام عليكم
    ولما يتحكم فينا الخونة
    هو دة المنطق؟
    ولما نعيش فى فقر وجوع وغيرة وغيرة
    هو دة المنطق
    المنطق عشان يرجع يبقى لازم نرجع احنا الاول يرجع مجد الاسلام من جديد

    ردحذف
  2. المنطق .. اننا نتكلم .. اننا نعلي صوتنا ..
    المنطق .. ان الفاسد يتحاكم محاكمة .. المنطق اننا نقول للرئيس حرام كفاية ,, يا عم حل عن سمانا بقي .. المنطق ان نجوز الشباب والبنات صغيرين ومنغليش في المهور ونصعب علي البنات والشباب ، المنطق يقول للمحسن ثواب والمسيء عقاب ، المنطق يقول المكان يحجز للمجتهد ، مش لابن البيه .
    لما الامام عايز ابنه يكون امام ولعيب الكورة بالمثل والمؤذون بتاع بلدنا يخلي ابنه مؤذون والضابط يخلي ابنه ضابط والريس يخلي ابنه ريس اذا فاليسقط الشعب ولتعلق المشانق لأنه شعب معندوش دم .

    ردحذف
  3. المنطق هو اننا عايشين فى مصر وغير كده وكده بعدنا عن ديننا
    وبعدين

    http://www.youtube.com/watch?v=1Gp1dUraKHs

    ردحذف
  4. mr>presidnt
    رايك قيم اوى وعندك حق فكل اللى قولته لوعلينا صوتنا لازم هنتسمع ولابد حلنا يتغير.
    شكرا للمرور الرائع

    ردحذف
  5. عليكم السلام يازهرة..
    عندك حق لكن مجدالاسلام مش هيتحقق غير بينا احنل وبارادتنا.
    شكرا للمرور القيم

    ردحذف
  6. زى ماقولت يا رومنسى الرجوع لديننا هو بداية معرفة المنطق.
    لك تحياتى

    ردحذف
  7. المنطق ان نحب وطننا ، أن نعتز بوطننا
    أن نعشق وطننا ، تحيتي لكل مصري محب لوطنه
    أخوكي من الجزائر تقبلوا مروري

    ردحذف
  8. شكرا للمرور الرائع ابتسامة عيون .وعنك حق وادام الله الود

    ردحذف
  9. تحياتي واحترامي لشخصك الكريم ... وقد سعدت بتلطفك بزيارة مدونتي المتواضعة ... وهاهي زيارتي شاكراً لك لطفك . وبالتوفيق .

    ردحذف
  10. أنا مع مرسي الزناتي في مسرحية المشاغبيين ...أعرف إن لما الواحد يتخبط او يقع على نافوخه يقع ميحطش منطق ..........حتى باأمارة المدرسة ردت وقالت أيوه هو داه المنطق ..............


    ممكن اضيف كمان لما؟

    ولما سواق تاكسي في القاهرة يقول لكاتب صفحي : تعرف يا أستاذ أنا كل طلباتي ناس رايحه معهد السرطان هي مصر كلها جالها سرطان؟؟؟؟؟؟؟؟؟؟؟

    ربي يعافينا آجمعين وتقبلي مروري وتعليقي و تواصلنا الدائم بإذن الله يا فتاتي

    ردحذف
  11. نورتنى استاذ تركى وبرجاء استمرار المتابعة.
    تحياتى لك.

    ردحذف
  12. اسعدتنى كلمات من نور.
    والله يشفى كل مريض ان شاء الله.
    تحياتى الخاصة لك

    ردحذف
  13. السلام عليكم ..

    والله بوست خطييير ..
    وللأسف انة كلام واقعي وصحيح
    واتفق معك فية ..

    مصيبتنا في الوطن العربي .. ان مسؤولينا
    لايوجد لهم ولا عندهم اي منطق..!!

    ماشين وحاكمين بالبسبهللة..
    ويابركة دعاء الوالدين...


    ممكن امنطق ليك شغلة حاصلة عندنا بالرياض
    بعد سيول وفيضانات ووو
    أفتتحوا شارع طولة 13 كيلو
    تكلفتة 890 مليون ريال..!!

    ويالله ..
    ماهو المنطق لايكيل بالبادنجان..!!

    دمتي بخير .. ومنطق يأختي

    ردحذف
  14. اهلا يا ام جنى يا غالية
    بجد كلماتك رائعة اوي و فعلا لازم بقى نعرف المنطق
    المنطق من وجهة نظري
    اننا نصلح من نفسنا
    و نصلح من اخلاقنا
    و نعامل ربنا في كل مجالات حياتنا
    و ساعتها صدقيني كل حاجة هتتغير للاحسن و نبقى اغنى دولة في العالم

    لا يغير الله ما بقوم حتى يغيروا ما بانفسهم

    صدق الله العظيم

    بجد مدونة جميلة اوي و اكيد هضيفها و اتابعها
    و سعيدة اوي بيكي يا قلبي

    تقبلي مروري الاول و ان شا ءالله مش الاخير

    خالص حبي و تقديري

    ردحذف
  15. صباح الانوار

    نورتينى يا أم جنى فى مدونتى ويارب يدوم التواصل

    ياريت كل حرف وكلمه عبرتى عنها بقلبك الصادق يوصل لكل انسان يحيا فى ارض مصر

    لازم يكون قلبنا على بعض ونخاف على بعض ...هو دا المنطق

    وكل واحد يحس بالتانى ومعاناة الاخرين

    ربنا ييسر الأمور للكل .

    أسمحيلى أضافة مدونتك عندى ودوام التواصل

    دمتى بكل خير وحب

    ردحذف
  16. عندما نتمني أن نعود إلي زمن الفطام

    هو ده المنطق


    الله يخرب بيوتهم




    أسعدك الله

    ردحذف
  17. السلام عليكم ورحمة الله وبركاتة

    ربنا يكرمك يارب والمسلمين ... ومش هنقول حاجة لانها ارادة الله ... وربنا يكرمنا بأذن الله تعالى ويبقى بكرة احسن ان شاء الله .. كما قال رسول العظيم ومعمنا ومعلم البشرية جمعاء فيما معناة ان امر المؤمن كلة خير اذا اصابة سراء شكر واذا اصابة ضراء صبر

    ردحذف
  18. عليكم السلام عناى العيون..
    شكرا لمتابعتك وربنا معاك فى منطقك وربنا معانا فى منطقنا .
    لك تحياتى.

    ردحذف
  19. انا فى غاية السعادة لمرورك وصداقتك مهموهة والله يدوم الود.
    واتمنى من كل قلبى ان كلامك يتحقق لاننا بنحب البلادى.
    لك خالص تحياتى

    ردحذف
  20. شرف ليا اضافة مدونتى عندك.الحب الجميل.
    انت اختصرتى معنى المنطق فى كلمة واحدة (الحب) لو حبينا البلادى هنتصرف بكل منطق.
    لك تحياتى

    ردحذف
  21. حسه بمرارة فى تعليقك احمد.الله يصلح الحال.
    لك تحياتى

    ردحذف
  22. عليكو السلام طهر فؤادك..
    جميلة النظرة التفاؤلية دى.
    الله يدوم الود ولك تحياتى

    ردحذف
  23. المنطق يعنى عقل
    لو لاقيتى العقل هتعرفى يعنى ايه منطق
    بس نصيحة منى بلاش تدورى لانك مش هتلاقى

    ردحذف
  24. ست* جنى* الحسن
    اهلا وسهلا ومرحبا .. طبعا تنوري وكمان ياريت تكوني صديقة المجلة وتكتبي فيها كمان مش بس المدونة http://roaua.net/index.php
    شكرا لمرورك الذي عطر صفحة المدونة

    في أمان الله

    ردحذف
  25. افهم من كلامك ان دى سياست دوخينى يا لمونة احنا كدة هندوخ؟؟؟؟
    شكرالمرورك القيم اسماء واحلام فى وجدانى
    ملكيش اسم مختصر؟
    لك تحياتى

    ردحذف
  26. شكرا لذوقك كاتب مصرى..واتمنى دوام المتابعة
    لك تحياتى

    ردحذف
  27. مين فى الدنيا مش دايخ
    وبعدين اللمونة مستديرة يعنى اولها زى اخرها يعنى
    نفس منطق المنطق


    احمد
    الهامى
    الاتنين واحد

    ردحذف
  28. افهم من كدة يااحمد ان ربنا معانا لان اللمونة ملهاش بداية ولا نهاية.
    لك تحياتى.

    ردحذف
  29. اهلا يا جنه
    تحياتى
    يا بنتى ما فيش اى منطق فى البلد
    المنطق الوحيد والمفروض علينا زى القضا المستعجل هو الحزن الوطنى

    احنا قرايب ازاى يا جنه .. قولى ونورينى
    تحياتى

    ردحذف
  30. السلام عليكم ورحمة الله وبركاته
    المنطق في هدا العصر
    ان تموت
    من طق
    وكلنا في الهوا سوا .. لافرق في البلدان تتغيير الاسماء ويبقى الطق واحد
    وحدة طقية
    ليس الا

    احترامي
    الخطاط
    علي رحيل
    مدونة المخلاة الليبية

    ردحذف
  31. عندك حق استاذ فشكووول الحزب الوطنى قضا ومستعجل اوى.
    اما عن القرابةانا والدى من سن صفت واهل زوجى من منوف انا زرت منوف العيد اللى فات لكن سن صفت قبل كدة .
    ياترى حضرتك منين؟؟؟
    لك تحيلتى

    ردحذف
  32. استاذ على ربنا معنا ومع كل الشعوب العربية(الرؤساء لا)
    شكرا للمرور القيم
    لك تحياتى

    ردحذف
  33. المنطق الذي نعيشه
    هو التسليم بانه لا منطِق ولا منطَق

    لا استطيع ان اقول قلبت علينا مواجع لاننا من ليل نهار تقلبنا المواجع

    تحيتي اليك اختي في الله واحترامي علي مدونة حضرتك القيمه يشرفني ان تكون في مفضلتي

    ردحذف
  34. معنى كلامك انن المنطق هو الا منطق واللى فاهم حاجة يبقى يفهمنا.
    شكرا لمرورك القيم
    انى احبك فى الله

    ردحذف
  35. جميلة مدونتك يا جنى
    يسعدنى ويشرفنى ان تقبلينى ضيفة
    وان شاء الله اكون ضيفة خفيفة عليكم

    ردحذف
  36. ممكن أكتب لك عليهم منطيق كثير غيرهم بس علشان ول زيارة الاحباط ده كفاية - تحياتى يا جنى الصورة ديه لبنتك؟؟ ماشاءالله ربنا يخليها لك أجدعنى عندى عريسين بس حيبقوا كبار عليها جدا جدا :) تحياتى

    ردحذف
  37. إذا كان الفساد هو الأساس والصلاح هو الاستثناء

    هو ده المنطق

    إذاكان التزوير هو الأساس و النزاهة هي الاستثناء

    هو ده المنطق

    من الآخر

    إذا كان منهج الاسلام- اللي ثقافة مجتمعي وتاريخي جء كبير منها متكون على أساسه- معايا و بتبع مناهج جاية من ثقافة غير ثقافتي و كمان بطبقها على الورق بس ...... يبقى مستني ايه ؟؟؟؟؟

    ردحذف
  38. حبيبتى
    سعيدة جدا بمرورى بالمدونة التحفة
    وطبعا انا ليا الشرف انك تكونى صديقة ليا
    وارجو ان تقبلى صداقتى

    احبك الذى احببتنى من اجلة

    ردحذف
  39. مش عارفه اقول حاجه

    انا رأي نفس راي مرسي الزناتي
    اعرف ان لما حد يضرب التاني
    يكون ده المنطق

    مش هو ده المنطق يا استاذتنا
    هو ولا مش هو

    ؟؟؟؟؟؟؟؟؟؟؟

    ههههههههههههههههههههه

    ردحذف
  40. شكرا على مرورك القيم نفرتيتىوانا ليا الشرف انك تكونى ضيفتى لا صديقتى ان شاء الله .
    انى احبك فى الله

    ردحذف
  41. شكرا لمرورك منى وعلى رايك كفاية كدة احباط.
    قوليلى العريسين دول اولادكلو اولادك انا موافقة طبعا.
    انى احبك فى الله

    ردحذف
  42. اخى ابن الاخوان والازهر..
    صعب تكون النزاهة والصلاح استثناءوالا يبقى فى حاجة غلط ويبقى ده اخر الزمان.والله المستعان

    ردحذف
  43. صديقتى امراة من الثلج..
    شكرا للمرور القيم وطبعا انا ليا الشرف بصداقتك.
    لك تحياتى

    ردحذف
  44. منورة يا دودى..
    واضح انك متابعة تليفزيون ودمك زى العسل .
    انى احبك فى الله

    ردحذف
  45. المنطق ان حد بيسمع ده كله ويستحمل وماينطق

    ردحذف
  46. شكرا tarkiebلمرورك القيم..
    ولكن اظن ان ده يكون اسمه اى حاجة الا المنطق
    لك تحياتى

    ردحذف
  47. المنطق هو

    ان الشاب المصرى يطبق ساكت على الارض ما يردش منطق.

    هو ده بقى المنطق

    ردحذف
  48. عزيزتي فكرتيني بسعيد صالح في مسرحية مدرسة المشاغبين لما سألته سهير البابلي ماهو المنطق قالها انا اللي اعرفه انه لما نضرب حد بيوقع ميحطش منطق ههه
    اسئلتك موجعة لانها حقيقية وملامسة للواقع بشكل كبير
    تحياتي وودي عزيزتي

    ردحذف
  49. لو هو ده المنطق تبقى مصر كلها هتطب متحتطش منطق.
    لك تحياتى.
    شكرا للمرور القيم

    ردحذف
  50. خواطر شابة..
    شكرا لمرورك القيم ونورتينى

    ردحذف
  51. مصر اليوم..
    شكرا للمرور القيم
    لك تحياتى

    ردحذف