الأحد، 16 مايو 2010

صندل قديم


همسة النهاردة هحكيها عن صديقة ليا ممكن نسميها "ن"كانت صديقتى "ن"على قدر عالى من الخلق والتربية الاسلامية زى معظم البيوت المصرية ومن فترة كبيرة -اثناء الدراسة-كانت تقضى الاجازة الصيفية فى قرية والدها فتعرفت على شاب "ك" وارتبطت به عاطفيا لدرجة انها كانت تسافر لوحدها عشان تقابله اثناء الدراسة وهو احبها واتقدم لخطبتها ولكنه اترفض لانه كان خالى شغل وصغير فى السن فغضبت صديقتى "ن" وقررت استمرار علاقتها بيه من مكالمات ومقابلات الى ان تقدم لخطبتها واحد من العيلة  واهلها وافقوا وهى لضعف شخصيتها وافت لالحاحهم عليها -فى هذة الاثناء كان جارها"م" بيحاول يتقرب ليها من سلامات من الشباك ونظرات معبرة عن اعجابه بيها- واتخطبت وبعد فترة وجيزة من الخطوبة مقدرتش تستحمل وطلبت فسخ الخطوبة وقد كان ,
ورجعت لحياتها الطبيعية وبصراحة عمرى محسيت انها مخنوقة قد الفترة دى ومرجعتلهاش ضحكتها غير لما كل شىء انتهى
نسيت اقولكم فى الوقت ده كان حبيبها الاولانى بيكتب كتابة على بنت خالته-شوفتو حب وولاء اكتر من كدة-وانشغلت "ن"فى .دراستها وسافر جارها المحب الخجول و استمرت الزيارات الاسرية بين العيلتين ونسيت "ن"كل شىء غير انها كانت تحكيلى انها بتحلم دايما انها بتلبس صندل قديم حلم اتكرر اكتر من مرة فكنت اقولها -والله اعلم-انتى هتتجوزى واحد تعرفيه قبل كدة ومش انسان جديد عليكى .
ومرت الايام ورجع العاشق الكتوم وطلب ايديها ووافق اهلها خصوصا انه له مركز مرموق ومعها دلوقتى عمر عنده 5شهور وعايشه سعيدة والحمد لالله وكنت بفكرها من قريب بالصندل القديم فقالت :دا صندل عمرى وعندى منه حته من قلبى.

هناك 23 تعليقًا:

  1. السلام عليكم
    هههههههههههههههههههههههههههههههه
    اية حكاية الصنادل معاكم واحدة جذمة والتانية صندل
    هههههههههههههههههههههههههههههههه

    ردحذف
  2. عليكم السلام زهرة -جنى-الاسلام..
    مين الجذمة دى؟

    ردحذف
  3. ههههههههههههههههههه

    صندل يا خرابي
    والله امبارح حلمت اني بابا بدو يجوزني
    بس بدو يلبسني فستان اخضر وقصير ومع بالورين مو صندل
    وانا اعملت اعتراض لان المكان كان زي القصر
    وكان قبلي عروستين لابسين فساتين بيض بياخدو العقل
    والفرح والعريس بالاردن مع اني بكره الغربه
    بس المكان كان لونو ابيض زي القصر وفي زجاج
    والناس قاعدين على الارض مو الكراسي


    ايه يعني ؟؟؟؟؟
    وقلت لامي الحلمه
    جنه لو انتي مفسرت احلام قوليلي
    من شان الله

    ردحذف
  4. السلام عليكم

    اهلا بكي في مدونتي بريد الجمعة ورهف قلبي

    بشكرك علي الزيارة الغالية
    ادام الله الود والمحبة

    ردحذف
  5. السلام عليكم

    كل شيء قسمة ونصيب
    ربنا يسعدها ويوفقها ويرزقها بالخير

    لها ولك ولي ولكل المسلمين
    دمتي بحب وود

    حبيبتي ارجو ازالة تحقيق الكلمة لسهولة التعليق
    وجعل التعليقات صفحة كاملة
    وذلك من الاعدادات ثم التعلقات ثم ازلة تحقيق الكلمة
    بشكرك

    ردحذف
  6. دودى انا مش مفسرة احلام بس والله اعلم كان فى عريس كويس هيتقدم قريب لان اللون الاخضر خير لك لكن قصير يعنى الفرحة هينقصها حاجة.
    والله اعلم

    ردحذف
  7. عليكم السلام ذكرى الرحيل..
    ان شاء الله الود مستمر واهلا بيكى فى الجنة

    ردحذف
  8. اولا انا سعيد جدا بزيارتكم الكريمه وتعرفي علي مدونتكم الجميله
    ثانيا:- انا خايف علي اي حد يطالب بحقوق الشعب تعرفي ليه لآن الشعب مفرط في حقوقه وعايز اي حد غيره هو اللي يقدم التضحيات من اجل هذه الحقوق.
    تحياتي

    ردحذف
  9. شكرا لزيارتك استاذ حسينى..
    اظن ان التضحية هى اللى يقدمها صاحب الشئ والا متبقاش اسمها تضحية تبقى اعالة واكرم للشعب وقتها يكون قاصر ميعرفش حقوقه ولاازاى يخدها.

    ردحذف
  10. السلام عليكم
    انا قادم من عند جنا
    الف مبروك لصديقتك (ن) وربنا يخلى عمر وربنا يخلى لك اولادك
    تحياتى

    ردحذف
  11. عليكو السلام استاذ فشكول..
    عقبال اولادك .وشكرا لمرورك القيم

    ردحذف
  12. مبروووك ياقمر عالمدونة الجديدة

    منورة عالم التدوين كله

    سبحان الله الجواز قسمة ونصيب الحمد لله انها لقت زوج تحبه وتبقى سعيدة معاه ومفضلتش متمسك بالحب الاول زي ما كتير بيعملوا دا

    بالتوفيق ان شاء الله

    ردحذف
  13. النصيب عموما ما حدش عارفه إمته ومع مين
    ربنا يسعدها يارب ويديم عليها الهنا

    أنت أم جنى بنت أخو زهرة الإسلام
    العيله كلها متجمعه على البلوجر بقى

    يارب دايما

    وأسعدنى زيارنك جدا

    ردحذف
  14. عليكم السلام نوارة..
    شكرا لمرورك وثقتك الغالية وبرجاء استمرار الود

    ردحذف
  15. 0مرايتى..
    سبحان الله النصيب غلاب وحدش يعرف نصيبه فين .
    شكرا للمرور الرائع.
    وفعلا فعلا احنا قرايب .
    انى احبك فى الله

    ردحذف
  16. على فكرة الحلم بالصندل ده حاجة قربت اصدق انها حقيقة لانى صادفت امثلة لكده واتحققت بعد فترة
    سبحان الله بس الاحلام دى مش بتيجىء اللا لناس معينة على ما اظن يعنى او من ارتباط روحى بين اتنين مثلا

    ردحذف
  17. سلامو عليكو..اسماء واحلام؟؟
    مااظنش ان الاحلام الخاصة بالارتباط بتيجى لناس وناس لا والا كانت مشكلة كبييييييرة.
    شكرا على المرور القيم

    ردحذف
  18. 0506630089 شركة مكافحة الحشرات بحفرالباطن وتنظيف الخزانات والمنازل بحفرالباطن وغسيل السجاد والمجالس بالبخار بحفرالباطن شركة رش مبيدات حشرية بحفرالباطن مكافحة الصراصير والنمل الابيض والنمل الاسود بحفرالباطن مكافحة الفئران بحفرالباطن جلى وتلميع البلاط والسيراميك بحفرالباطن

    https://hafralbatin88.000webhostapp.com/%
    d8%b4%d8%b1%d9%83%d8%a9-%d9%85%d9%83%d8%a7%d9%81%d8%ad%d8%a9-%d8%a7%d9%84%d8%ad%d8%b4%d8%b1%d8%a7%d8%aa-%d8%a8%d8%ad%d9%81%d8%b1%d8%a7%d9%84%d8%a8%d8%a7%d8%b7%d9%86-0506630089-%d9%86%d9%88%d8%b1/

    https://hafralbatin88.000webhostapp.com/0506630089-%d8%b4%d8%b1%d9%83%d8%a9-%d9%85%d9%83%d8%a7%d9%81%d8%ad%d8%a9-%d8%ad%d8%b4%d8%b1%d8%a7%d8%aa-%d8%b5%d8%b1%d8%a7%d8%b5%d9%8a%d8%b1-%d9%81%d8%a6%d8%b1%d8%a7%d9%86-%d8%a8%d8%ad%d9%81%d8%b1/

    https://hafralbatin88.000webhostapp.com/%d8%b4%d8%b1%d9%83%d8%a9-%d9%83%d8%b4%d9%81-%d8%aa%d8%b3%d8%b1%d8%a8%d8%a7%d8%aa-%d8%a7%d9%84%d9%85%d9%8a%d8%a7%d9%87-%d8%a8%d8%ad%d9%81%d8%b1%d8%a7%d9%84%d8%a8%d8%a7%d8%b7%d9%86-%d9%86%d9%88%d8%b1/


    https://hafralbatin88.000webhostapp.com/%d8%b4%d8%b1%d9%83%d8%a9-%d8%ac%d9%84%d9%89-%d8%a7%d9%84%d8%a8%d9%84%d8%a7%d8%b7-%d8%a8%d8%ad%d9%81%d8%b1%d8%a7%d9%84%d8%a8%d8%a7%d8%b7%d9%86-%d8%b4%d8%b1%d9%83%d8%a9-%d9%86%d9%88%d8%b1%d8%a7%d9%84/

    https://hafralbatin88.000webhostapp.com/%d8%b4%d8%b1%d9%83%d8%a9%d8%aa%d9%86%d8%b8%d9%8a%d9%81-%d9%85%d8%af%d8%a7%d8%b1%d8%b3-%d8%a8%d8%ad%d9%81%d8%b1%d8%a7%d9%84%d8%a8%d8%a7%d8%b7%d9%86/

    ردحذف