الخميس، 21 أكتوبر 2010

انتخابات

قال بيقولو انتخابات
ده وجع فى الراس وبات
وناس شغالة تطلع
عماله تقول حاجات
واللى كلامه ممكن 
واللى كلامه اشتغالات
واللى بيقول انا ممكن
اجيب للناس بلح امهات
واللى عمال بيوعد الشباب 
وكمان البنات
بالشغل والبيت والعروسة
والتبات والنبات
وهو ولا له فيها
ده اصلا من ابو تلات
كان بياع بطاطا وسارح
وبقى بيه بببيونات
غرقان فى بدل وجرفتات 
وحفلات وشاليهات

وتلاقيه زى القرادة
مسك فى الكرسى لحد الممات
ويروح ونقول كان تعلب
لكن مكار ....  وفات
لكن بييجى بعده
لفات ورا لفات
ويعيش المواطن غلبان
ويقولو......... ضحية انتخابات

هناك 26 تعليقًا:

  1. هههههههههههه
    كلمات حلو
    قال بيقول انتخابات

    ردحذف
  2. وقال ايه بيقول انتخاب
    والأصل هما كلاب
    لا الكلاب دي أحسن
    هما شي بينهشوا فينا
    وكلهم له ناب .

    تحياتي الرئاسية

    كلماتك طيبة
    بس مين يسمع من شعب

    ردحذف
  3. هى دى الانتخابات ؟؟؟
    جميله جدا

    ردحذف
  4. هههه
    قال اية انتخابات ؟؟
    تسلم ايدك حبيبتى
    جميلة جداً

    ردحذف
  5. قال انتخبات قال .. دي كوسة صارت مهروسة .. تحياتي لك عزيزتي

    ردحذف
  6. الشعور بالهم العام من نبض الكاتب المكترث بما يدور حوله ، وهذا أنت في تدوينتك ... تحياتي لك .

    ردحذف
  7. السلام عليكم ورحمه الله وبركاته
    كلمات جميله جدا وشرحه الموضوع مظبوط
    والكاريكاتير برضه جميل
    تحياتى لكى ابتسام محمد - ولا بالاحلام
    سنو وايت - اميره الاحلام

    ردحذف
  8. قلب فارس

    شكرا لمرورك بلال

    لك تحياتى

    ردحذف
  9. سيت الريس

    نتمنى نكون عند حسن ظنك
    انت والشعب

    لك تحياتى

    ردحذف
  10. مرمر
    تخيلى هى دى الانتخابات؟؟؟؟؟؟؟؟

    الله المستعان

    انى احبك فى الله

    ردحذف
  11. سلسبيله الجميلة

    انتى الاجمل يا قمر

    انى احبك فى الله

    ردحذف
  12. المجهول

    شكرا للمشاركة المتميزة

    لك تحياتى

    ردحذف
  13. أ/تركى

    شكرا للتعليق الرائع

    لك تحياتى

    ردحذف
  14. ولا بالاحلام

    عليكم السلام بوسى

    انتى الاجمل يا قلبى

    انى احبك فى الله

    ردحذف
  15. السلام عليكم اختى الحبيبه

    تحياتى الطيبه لكى اعتذر على طول غيابى

    فكره الانتخابات بذاتها مش وحشه بل دى شورى وده اللى الاسلام امر بيه

    بس اللى بيحصل فى الانتخابات هو اللى وحش

    بس مش هنستسلم لان ربنا معانا

    (ألا ان نصر الله قريب)

    واحنا على مبدأنا لحد ما ربنا ينصرنا

    تحياتى لكى والسلام عليكم

    ردحذف
  16. عليكم السلام

    انا معاكى تماما فى كل اللى قولتيه

    والله المستعان

    انى احبك فى الله

    ردحذف
  17. جميلة كتيررررر
    تسلم ايدك
    وحشانى يا جنى

    ردحذف
  18. الحب الجميل
    وأنتى وحشانى أكتر
    أنى أحبك فى الله

    ردحذف
  19. (:(: شر البلية ما بضحك يا جنة

    ردحذف
  20. صور ظريفة بصراحه هههههه

    تحية حبيبتي

    ردحذف
  21. هههههههههههههههههههههههههههههههههه

    ردحذف